假設嗰位八十後嘅李生係HKU畢業，生於小康家庭，
李生擁有理想，同創業嘅拍力，
佢想開山寨膠花廠，不過佢發現香港已經沒有工業，
租工廠租金又太貴，想喺山邊開又發現政府唔支持工業，
水，電，環保例一關又一關，根本無法去做，
於是佢想去開間士多做下屋村生意啦
佢發現領匯公司因為揀客，根本唔會租舖俾佢，
於是佢喺遠離屋村嘅地方開舖啦，
好幸運，生意本來唔錯漸上軌道，可惜業主見佢生意好，加佢一倍租，
李生計好條數決定咬緊牙關照簽租約
可惜簽好約之後佢發現領匯商場開咗間百佳，
新開張嘅百佳提供特別優惠搶走咗好多客，
同時佢發現，有啲供貨商唔再批發啲貨俾佢，
打聽之下原來係供貨商受到超市壓力唔敢賣貨俾佢，
佢生意一日一日差，於是最後都執咗佢，同時欠下一屁股債
於是佢終於要加入一啲大公司打工，
有一日，佢OT到8、9點返屋企，
打開電視，見到一D富豪二代喺度談佢嘅成功之道，
班二世祖批評李生佢地呢啲年輕人冇遠見，唔勤力
李生心裡不其然屌咗出聲……
=====================================================
李生：我要買樓！
政府：「新一代太急進買樓，不應以買樓為人生目標」
李生：我要公屋！
政府：「有能力的大學生或年輕人不應霸佔公屋或以申請公屋為人生目標」
李生：我要居屋！
政府：「居屋的歷史任務已經完成」
李生：我要夾屋！
政府：「夾屋破壞房地產市場供求」
李生：我要打份好工！
政府：「年青人不要心頭太高，要捱得苦，累積經驗最重要」
李生：我要創業！
政府：「年青人不要好高騖遠，要腳踏實地」
李生：咁我做小販算
政府：「香港市容整潔很重要，不准做小販」
李生：咁我去掃街囉……
政府：「年青人不求上進，毫無理想」
李生：……………………
李生：我去死算啦咁!!!!!
政府:「骨灰龕位 供不應求」
